Qadın və Uşaq Akademiyası İctimai Birliyi Bakı QHT Resurs və Təlim Mərkəzində "Valideyn və övlad münasibətləri" mövzusunda seminar təşkil edib.
Seminarı Peşəkar Psixologiya Mərkəzinin tərkibindəki "Şirin Evim” Uşaq İnkişaf Mərkəzinin direktoru, psixoloq Tahibə Quliyeva və mərkəzin əməkdaşı, klinik psixoloq Lalə Hüseynova aparıb.
İki saat davam edən seminarda psixoloqlar uşaq psixologiyasından və ona valideyn, psixoloq yanaşması ilə hansı müsbət dəyişikliklərə nail olunmasından, valideyn və övlad münasibətlərinin necə daha yaxşı qurulacağı barədə danışıblar. İştirakçılar seminar boyu onları narahat edən məqamları dilə gətirib, psixoloqlara ünvanladıqları suallara cavab tapıblar.
Mənbə: Sherg.az
