Qadın və Uşaq Akademiyası İB 24 fevral tarixində Bakı QHT Resurs və Təlim Mərkəzində "Stress və onun idarə olunması" mövzusunda seminar təşkil edib. Seminarı Bakı Dəmiryol Xəstəxanasının həkimi, psixiatr Aygün İsgəndərova aparıb. 2 saat davam edən seminarın iştirakçıları Aygün İsgəndərovanın bu mövzuda çıxışını dinləyib, suallarına cavab tapıblar. Seminar boyu onları narahat edən məqamlara aydınlıq gətirilib.
Qeyd edək ki, Qadın və Uşaq Akademiyası (QUA) İB-nin yaradılmasında məqsəd həm də vətəndaşların psixoloji və tibbi maarifləndirilməsi işinə yardımçı olmaqdır. Birlik bu istiqamətdə Bakı Dəmiryol Xəstəxanası ilə əməkdaşlıq edir.
