"Dünyanı verək uşaqlara, heç olmasa bir günlüyünə..."
Hər bir dövlətin ən önəmli dəyəri uşaqlardır, çünki ölkənin sabahını inşa edəcək və gələcəyini təmin edəcək şəxslər onlardır. Ancaq sabah üçün uşağın bu günündən vaz keçmək olmaz, onların yaddaşında gözəl uşaqlıq xatirələri buraxmalıyıq.
Qadın və Uşaqların Təhsilinə Dəstək İctimai Birliyi də valideyn himayəsindən məhrum uşaqlara gözəl bir gün yaşatmaq üçün "NUR" Uşaq Evində olub.
Birliyin üzvləri və könüllüləri 1 İyun - Uşaqların Beynəlxalq Müdafiəsi Günü münasibətilə uşaqlar üçün bayram tədbiri təşkil edib, onlarla söhbətləşib, oyunlar oynayıb, hədiyyələr verərək sevindirib.
Uşaqların bir gün deyil, hər gün sevinməsi, gülməsi, sevgi və qayğıyla böyüməsi diləyi ilə...
*Bayram tədbirinin təşkili, uşaqların geyim və dərman ehtiyaclarının qarşılanması Birlik üzvlərinin və tərəfdaşlarının dəstəyi ilə baş tutub.
